ನಗ್ಬೇಕು

ನ್ಯಡೀತಿರೋ ಅನ್ಯಾಯ ತಡಿಯಾಕೆ
ದುಪ್ಟಿ ಎಸ್ದು ಎಗರ್‍ಬೇಕು
ಕೈಮುಗ್ದು ಕಾಲಗ್ ಬಿದ್ದು
ಹಾರ ಹಾಕುದ್ರಾಗಲ್ಲ
ರೇಡಿವಳಗೆ ಮೀಟಿಂಗ್ ಕೇಳಿ
ಹಲ್ ಗಿಂಜುದ್ರಾಗಲ್ಲ
ದೇವ್ರು ದಿಂಡ್ರುಗ್ ಕಡ್ಡಿ ಹಚ್ಚಿ
ಸಾಕಾಗೋಯ್ತಪ್ಪ
ನನ್ ಮಗ್ನವ್ ಹಂಗೇ ಕುಂತವೆ
ಉಸ್ರೇ ವಂಡಲ್ಲ
ಸನ್ಕೆ ಗುದ್ಲಿ ತಗಂಡು
ದೆವ್ಗುಳ್ ವಂಟಂಗ್ ಹೋಗ್ಬೇಕು
ಕಳೆ ಕಿತ್ತಂಗ್ ಕೀಳ್ಬೇಕು
ಕುಂಟೆ ವಡ್ದಂಗ್ ವಡೀಬೇಕು
ಏರೂ ಪೇರೂ ನ್ಯಾರಾಮಾಡಿ
ಬಾಡ್ ತಿಂದಂಗ್ ನಗ್ಬೇಕು

-
ಕವಿ - ಡಾ. ಸಿದ್ಧಲಿಂಗಯ್ಯ
ಹಕ್ಕುಗಳು: ಲೇಖಕರದು