ಗಳ್ಡಗಳು

ನಾನ್ ಹೆಣ ನನ್ ಸುಟ್ಬುಡಿ
ಬರೇ ಉಸುರ್ ಕೊಟ್ ಓಡಾಡುಸ್ ಬ್ಯಾಡಿ
ಕೂಲೀಗ್ ಕರೀಬ್ಯಾಡಿ ದುಡಿಯಾಕ್ಯಳೀ ಬ್ಯಾಡಿ
ಕ್ವಳ್ಚೆ ಜಾಗ್ದಲ್ ಮಲುಗ್ಸಿ ಕಕ್ಕಸ್ ಪೈಪ್
ಇತ್ ಕಡೀಗೆ ತಿರುಗುಸ್ಬ್ಯಾಡಿ
ಜೀತ ಸಾಲ ಬಡ್ಡಿ ಚಪ್ಪಡಿ ಏರಿ
ಅಪ್ಪಚ್ಚಿ ಮಾಡಿ ಆಡ್ಕಂಡ್ ನಗಬ್ಯಾಡಿ
ದಯಾ ತುಂಬಿರೋ ನಿಮ್ ಕ್ವಲೆಗಡುಕ್ತನ
ನಾಯ ತುಂಬಿರೋ ನಿಮ್ ಮಾತ್ಗಾರ್ಕೆ
ವಳಗ್ಯಲ್ಲ ಕ್ವಳ್ತು ಹುಳಾ ಬಿದ್ದಿರಾ ನೀವು
ಏನೂ ಬ್ಯಾಡ
ತೋಡಿರೋ ಗುಂಡೀಗ್ ನನ್ ಓಡಾಕ್ ಬುಡಿ
ಇಕ್ಕಿರೋ ಬೆಂಕೀಗ್ ನನ್ನ ಬೀಳಾಕ್ ಬುಡಿ
ನನ್ ಮಯ್ಯಾಗಿನ ಬಾಡ ಇಸ್ಟಿಸ್ಟೇ ಕಿತ್
ತಿನ್ ಬ್ಯಾಡಿ, ನಾ ಜೀಮೂತ ವಾಹನ ಅಲ್ಲ
ಏ ಗಳ್ಡಗಳಾ
ನನ್ ಜುಟ್ ಕಚ್ಕಂಡ್ ಮ್ಯಾಲ್ಕಾರಿ
ಎಲ್ಲಾನ ಕೆಂಪಟ್ಟೆ ಕೆಂಪ್ ನ್ಯಲ್ದಡೆ ನನ್ಯಸುದ್ಬುಡಿ
ನಾ ಬದಿಕತ್ತಿನಿ ಸರಿಯಾಗುಸ್ರಾಡ್ತಿನಿ

-
ಕವಿ - ಡಾ. ಸಿದ್ಧಲಿಂಗಯ್ಯ
ಹಕ್ಕುಗಳು: ಲೇಖಕರದು