ಬಿಡುಗಡೆ

ಬಿಡುಗಡೆ ಎಂಬುದು ಏನೊ
ಬಿಡುಗಡೆ ಎಂಬುದು ಎಲ್ಲೊ

ಸ್ವಾತಂತ್ರ್ರ್ಯದ ಸೂರ್ಯ ಹುಟ್ಟಿದರು
ಕಿರಣ ಕಾಣಲಿಲ್ಲ
ಸೂರ್ಯನ ಎದುರು ಉಳ್ಳವರೊಡ್ಡಿದ
ಮೋಡ ಚದುರಲಿಲ್ಲ

ಯಾರು ಬಂದರೂ ಯಾರು ಹೋದರೂ
ಕತ್ತಲಳಿಯಲಿಲ್ಲ
ಅಸ್ಥಿಪಂಜರದ ಜೋಪಡಿಯೊಳಗೆ
ದೀಪ ಹಚ್ಚಲಿಲ್ಲ

ತುಳಿಯುವ ಬೂಟಿಗೆ ಸಿಡಿಯುವ ಗುಂಡಿಗೆ
ಅಡೆತಡೆ ಎಂದಿಗು ಇಲ್ಲ
ಬಿಗಿಯುವ ಸರಪಳಿ ಕಳೆಯಲಿಲ್ಲ
ಮುಂದಿನ ದಾರಿ ಹೊಳೆಯಲಿಲ್ಲ

ಬಿಡುಗಡೆ ಎಂಬುದು ಏನೊ
ಬಿಡುಗಡೆ ಎಂಬುದು ಎಲ್ಲೊ

-
ಕವಿ - ಡಾ. ಸಿದ್ಧಲಿಂಗಯ್ಯ
ಹಕ್ಕುಗಳು: ಲೇಖಕರದು