ಶೂದ್ರ

ಕ್ಷೌರ ಮಾಡಿಕೊಂಡರೆ ಬುದ್ಧನಂತೆ ಕಾಣುವ
ಶೂದ್ರ ಹಲವು ಸಾರಿ
ಬುಲ್ಗಾನಿನ್ ಗಡ್ಡಧಾರಿ

ಶೂದ್ರ ಬುದ್ಧನಂತೆ ಕಿಲಾಡಿಯಲ್ಲ
ಶೂದ್ರನದು ವೈರಾಗ್ಯದ ಬಾಡಿಯಲ್ಲ
ಹುಡುಗಿಯರನ್ನು ಮಾತಾಡಿಸಲು
ಗುಪ್ತಪ್ರೇಮಿಗಳು ಹೆದರುತ್ತಿದ್ದ ಕಾಲದಲ್ಲಿ
ಶೂದ್ರ ಮುನ್ನುಗ್ಗಿ ಹೆಂಗೆಳೆಯರಿಗೆ
ಮಾರ್ಕ್ಸಿಸಂ ಬೋಧಿಸಿದನು
ತಾಯಿಮನಸ್ಸಿನ ಶೂದ್ರ ಕುಳಿತಿದ್ದಾನೆ
ಬೋಧಿವೃಕ್ಷದ ಕೆಳಗೆ
ನಾನಾ ಚಿಂತೆಯೊಳಗೆ

-
ಕವಿ - ಡಾ. ಸಿದ್ಧಲಿಂಗಯ್ಯ
ಹಕ್ಕುಗಳು: ಲೇಖಕರದು